काठमाडौंमा नेपाल धितोपत्र बोर्डमा तीन वटा कम्पनीले आईपीओ निष्कासनका लागि आवेदन दिएका छन्। डोलेश्वर भिलेज रिसोर्ट एण्ड फार्म हाउस लिमिटेड, भगवती स्टिल इन्डस्ट्रिज लिमिटेड र एशियन कन्क्रिटो लिमिटेड ले साधारण शेयर निष्कासनको अनुमति माग गर्दै आवेदन दर्ता गराएका हुन्।

डोलेश्वर भिलेज रिसोर्ट एण्ड फार्म हाउसले १६ लाख २० हजार कित्ता शेयर निष्कासन गर्ने प्रस्ताव गरेको छ भने एशियन कन्क्रिटो लिमिटेडले १० लाख ६२ हजार ५ सय कित्ता शेयरका लागि आवेदन दिएको छ। त्यस्तै, भगवती स्टिल इन्डस्ट्रिज लिमिटेडले प्रिमियम मूल्यमा १५ लाख कित्ता शेयर निष्कासन गर्न प्रस्ताव गरेको छ। कम्पनीले प्रति शेयर २ सय ३३ रुपैयाँ (प्रिमियमसहित) मा शेयर जारी गर्ने योजना अघि सारेको छ।